Ein Hymrwymiadau a'n Haddewidion
![](https://www.awen-wales.com/wp-content/uploads/2022/08/disability-confident-leader-logo.png)
Arweinydd Hyderus o ran Anabledd
Fel Arweinydd Hyderus o ran Anabledd, rydym wedi ymrwymo i helpu pobl ag anableddau i sicrhau, cadw a datblygu gyrfaoedd yn Awen. Rydym hefyd wedi ymrwymo i argymell gwerth cyflogi pobl ag anableddau a chyflyrau iechyd hirdymor, gan sicrhau bod ganddynt y cyfleoedd i gyflawni eu potensial a gwireddu eu dyheadau.
![](https://www.awen-wales.com/wp-content/uploads/2023/04/Equality-Pledge-Logo-cropped.jpg)
Addewid Cydraddoldeb
Drwy lofnodi addewid Amser i Newid Cymru, rydym yn gwneud datganiad cyhoeddus ein bod am gynyddu ein hymdrechion i fynd i'r afael â stigma a gwahaniaethu iechyd meddwl yn y gymuned ehangach, drwy gymryd camau rhagweithiol ac ymarferol yn Awen.
![Menopause Pledge](https://www.awen-wales.com/wp-content/uploads/2023/04/Menopause-Workplace-Pledge-WOW-1024x1024.png)
Addewid Menopos yn y Gweithle
Drwy lofnodi'r Addewid Menopos yn y Gweithle, rydym yn dangos ein hymrwymiad i sicrhau bod cydweithwyr sy'n profi symptomau perimenoposaidd a menoposaidd yn teimlo'n hyddysg ac yn cael eu cefnogi tra yn y gwaith; gan chwalu'r stigma a chreu gweithle sy'n addas i'r menopos.
![Time to Change Wales](https://www.awen-wales.com/wp-content/uploads/2023/04/Time-to-change-wales-logo-bilingual-1024x712.jpg)
Amser i Newid
Drwy lofnodi addewid Amser i Newid Cymru, rydym yn gwneud datganiad cyhoeddus ein bod am gamu i’r adwy i fynd i’r afael â stigma a gwahaniaethu ar sail iechyd meddwl yn y gymuned ehangach, drwy gymryd camau rhagweithiol ac ymarferol o fewn Awen.
![Dying to Work](https://www.awen-wales.com/wp-content/uploads/2023/04/Dying-To-Work-Logo-1024x341.png)
Siarter Afiechyd Marwol
Mae diagnosis o salwch angheuol yn dod â straen emosiynol enfawr, ofn, gorbryder ac ansicrwydd yn ei sgil. Drwy lofnodi'r siarter hon, rydym yn dangos ein hymrwymiad yn gyhoeddus i bob cydweithiwr, pe baen nhw'n wynebu cyfnod mor anodd yn eu bywydau, y bydd eu lles yn y gwaith yn parhau i fod yn flaenoriaeth.
![Investors in People - Silver](https://www.awen-wales.com/wp-content/uploads/2023/04/Investors-In-People-Silver-1024x382.jpg)
Arian Buddsoddwyr Mewn Pobl
Mae Awen wedi cyflawni achrediad Arian Buddsoddwyr mewn Pobl yn ystod ei asesiad cyntaf, gan amlinellu ein hymrwymiad i arwain ac ysbrydoli pobl, gwerthoedd ac ymddygiadau, rheoli perfformiad, gwobr a chydnabyddiaeth, datblygu a gwelliant parhaus.
![](https://www.awen-wales.com/wp-content/uploads/2023/07/MIND-GOLD-1-853x1024.png)
Workplace Wellbeing Index MIND
Mae Awen wedi’i chydnabod â Gwobr Aur yn seithfed Mynegai Llesiant Gweithle blynyddol Mind, sy’n feincnod o bolisi ac arfer gorau, ac sy’n dathlu’r gwaith da y mae cyflogwyr yn ei wneud i hybu a chefnogi iechyd meddwl cadarnhaol yn eu gweithle.
![](https://www.awen-wales.com/wp-content/uploads/2023/01/green-growth-pledge-logo.png)
Addewid Twf Gwyrdd
Drwy lofnodi'r Addewid Twf Gwyrdd, rydym yn cymryd camau rhagweithiol tuag at wella ein cynaliadwyedd ac yn dangos ein heffaith gadarnhaol ar y bobl a'r lleoedd o'n cwmpas, yn ogystal ag ymuno â chymuned gynyddol o sefydliadau blaengar sy'n helpu Cymru i bontio i ddyfodol carbon isel.
![Green Flag Award](https://www.awen-wales.com/wp-content/uploads/2023/04/green-flag-award-logo-1024x553.png)
Gwobr y Faner Werdd
Mae Parc Gwledig Bryngarw wedi cael ei gydnabod fel enillydd Gwobr y Faner Werdd am y seithfed flwyddyn yn olynol. Mae cynllun Gwobr y Faner Werdd yn cydnabod ac yn gwobrwyo parciau a mannau gwyrdd sydd wedi'u rheoli'n dda, gan osod y safon meincnod ar gyfer rheoli mannau awyr agored hamdden ar draws y byd.