Sut mae partneriaeth Llyfrgelloedd Awen gyda RNID yn arbed amser i'r GIG

Mae un ym mhob tri o bobl yn y DU yn fyddar, neu mae ganddynt golled clyw neu dinitws. Maent eisoes yn wynebu rhystrau dyddiol ond pan fydd eu cymorth clywed yn rhoi'r gorau i weithio, gall fod hyd yn oed yn fwy rhystredig iddynt. Mae llawer o bobl yn dweud bod yn rhaid iddynt fynd ar sawl bws i adael eu cymorth clywed, ac yna ailadrodd y daith i'w casglu. Mae RNID yn deall yr unigrwydd y mae cymaint o bobl yn ei wynebu bob dydd i gael mynediad at y cymorth sydd ei angen arnynt.

Diolch i gyllid gan y Loteri Genedlaethol tan fis Mawrth 2028, a gobeithio y tu hwnt i hynny, mae RNID yn cynnal clinigau galw i mewn yn Llyfrgelloedd Y Pîl, Pencoed, Maesteg ac (yn fuan) Porthcawl, ar gyfer cynnal a chadw a glanhau cymorth clywed, amnewid batris, profion clyw, gwybodaeth, cyngor a chyfeirio. Mae 113 o bobl wedi mynychu'r clinigau yn y pedwar mis cyntaf, gan osgoi arosiadau hir yng nghlinig awdioleg eu hysbyty.

Mae buddion eraill o gael clinigau mewn cymunedau yn cynnwys: bod yn gyflymach ac yn haws i bobl eu mynychu, yn enwedig os ydynt yn dibynnu ar gludiant cyhoeddus; cymorth gan gyd-aelodau gan fod rhai o wirfoddolwyr RNID hefyd yn ddefnyddwyr cymorth clywed; nid oes angen apwyntiadau ac anogir ymweliadau dilynol. Mae hyn yn golygu bod gan yr awdiolegwyr mewn ysbytai fwy o amser rhydd ar gyfer atgyweiriadau cymhleth ac asesiadau clyw, gan leihau amseroedd aros i bawb pan fydd ei angen arnynt. 

I gael rhagor o wybodaeth am ddyddiadau ac amseroedd y clinigau, ffoniwch:

Llyfrgell Y Pîl – 01656 754850

Llyfrgell Pencoed – 01656 754840

Llyfrgell Maesteg – 01656 733269

Llyfrgell Porthcawl – 01656 754845