Effaith Gymdeithasol
Sut mae ein sesiynau canu cydganu hygyrch a deallgar am ddementia yn gwella llesiant corfforol, cymdeithasol a meddyliol ym Mlaenau Gwent.
Rhannu ar
Rydym yn hynod falch o weld sut mae ein digwyddiadau misol ‘Golden Melodies’ yn y Met yn Abertyleri yn cael effaith mor gadarnhaol ar y bobl sy'n mynychu gyda'u gweithwyr cymorth a'u gofalwyr.
Mae'r sesiynau canu cydganol, sy'n gwbl gynhwysol, yn hygyrch ac yn gyfeillgar i bobl sydd â dementia, yn defnyddio cerddoriaeth hiraethus i gysylltu pobl, gwella swyddogaeth wybyddol a lleihau unigrwydd cymdeithasol.
Maent yn cefnogi llesiant pobl hŷn mewn amgylchedd cynnes a chroesawgar yn y gymuned, gan wella ansawdd eu bywydau a'u helpu i fyw'n fwy annibynnol.
Maent hefyd yn annog symud, a all wella cydgysylltu a lleihau codymau, lleihau unigrwydd, meithrin ymdeimlad o berthyn ac, uwchlaw popeth, ysbrydoli pobl.
Nid yw ‘Golden Melodies’ ond yn un o'r ffyrdd y gall Awen chwarae rhan mewn gwasanaethau gofal iechyd ataliol ac yn y pen draw leihau'r pwysau ar yr GIG, un o nodau allweddol Deddf Llesiant Cenedlaethau'r Dyfodol.
Dywedodd Rheolwr Cyffredinol y Met, Paul Selway:
“Ar ôl y sesiwn ddoe, roedd rhai o'r bobl oedd yn mynychu a'u gweithwyr cymorth yn llygad-drist oherwydd iddynt fwynhau cymaint. Diolchasant i ni am drefnu'r Golden Melodies a'r sgriniadau ffilm ymlaciol, lle gallant fynd i ddigwyddiadau mewn amgylchedd diogel a chyfeillgar.”
