Stori
Diolch i gyllid gan Lywodraeth Cymru, mae Llyfrgelloedd Awen yn cefnogi’r fenter hon sy’n para mis.
Rhannu ar
Mae mis Chwefror yn Fis Rhyngrwyd Mwy Diogel, ac mae Llyfrgelloedd Awen yn falch o fod yn cymryd rhan yn yr ymgyrch bwysig hon, diolch i ariannu gan Lywodraeth Cymru.
Yn y byd digidol sydd ohoni heddiw, mae cadw'n ddiogel ar-lein yn fwy pwysig nag erioed. P'un a ydych yn siopa, yn sgwrsio gyda ffrindiau, yn cael mynediad at wasanaethau cyhoeddus neu'n helpu plant i lywio'r we, mae gwybod sut i amddiffyn eich hun yn gwneud gwahaniaeth enfawr. Dyna pam, drwy gydol mis Chwefror, y byddwn yn cynnig llawer o weithgareddau cyfeillgar a defnyddiol sydd wedi'u cynllunio i roi hwb i'ch hyder ar-lein.
Drwy gydol y mis, gallwch edrych ymlaen at:
Prif awgrymiadau ar gyfer cadw'n ddiogel ar-lein
Byddwn yn rhannu awgrymiadau syml a defnyddiol yn ein llyfrgelloedd ac ar ein cyfryngau cymdeithasol i'ch helpu i deimlo'n fwy diogel ac mewn rheolaeth wrth ddefnyddio'r rhyngrwyd.
Sesiynau galw heibio digidol
Galwch heibio i'n llyfrgelloedd gydag unrhyw gwestiynau diogelwch ar-lein sydd gennych. Bydd ein cydweithwyr wrth law i helpu gyda chyngor ymarferol, o adnabod sgams i gryfhau eich gosodiadau preifatrwydd.
Digwyddiadau a gweithgareddau arbennig
Bydd Luke o Barclays yn cynnal sesiynau Diogelwch Ar-lein am ddim yn Llyfrgell Betws ar yr 17eg, Llyfrgell Sarn ar yr 19eg a Llyfrgell Porthcawl ar yr 20fed o Chwefror.
Rydym yn croesawu pawb i gymryd rhan, p'un a ydych yn ymwelydd cyson â'r llyfrgell neu'n hollol newydd i Lyfrgelloedd Awen.
