Stori
Rydym yn lansio ail rownd ein rhaglen ddwy flynedd, sydd wedi'i hanelu at y rhai sydd ar hyn o bryd yn cael eu tan-gynrychioli o fewn Awen a'r sector creadigol a diwylliannol.
Rhannu ar
Rydym yn chwilio am ymgeiswyr ar gyfer tair swydd lawrydd newydd gan artistiaid o unrhyw ddisgyblaeth sy'n uniaethu fel person Mud neu Fyddar, anabl neu niwrowahanol, yn rhan o'r mwyafrif byd-eang, yn queer/traws neu ac/neu yn siaradwr Cymraeg.
Bydd artistiaid yn gweithio gyda ni ar draws ystod o gyfleoedd creadigol hyblyg dros gyfnod o ddwy flynedd o fis Ebrill 2026, gyda chyfanswm ffi o £4,500 ar gael bob blwyddyn (£9k i gyd) fesul Artist Cyswllt gan gynnwys treuliau.
Dylai artistiaid fod wedi'u cyfeirio at ein nod o wella bywydau trwy greadigrwydd, gyda chyfleoedd i gyflwyno gweithdai, prosiectau a digwyddiadau byw dan do ac yn yr awyr agored gyda'n tîm Lles Creadigol, cefnogi dosbarthiadau meistr a chynhyrchiadau ar gyfer Theatr Ieuenctid Pen-y-bont ar Ogwr, cyflwyno cyfleoedd llyfrgelloedd creadigol, creu llwybrau a digwyddiadau artistig ledled Parc Gwledig Bryngarw, a pherfformiadau, gosodiadau ac arddangosfeydd o fewn ein lleoliadau cerddoriaeth fyw a theatr.
Bydd yr ymgeiswyr llwyddiannus yn gweithio ar draws Bwrdeistref Sirol Pen-y-bont ar Ogwr ac ym Mhontypridd ac Abertyleri. Bydd cyfleoedd yn hyblyg i gyd-fynd â'ch ymrwymiadau presennol ac o'u cwmpas. Rydym yn croesawu ac yn annog artistiaid o bob disgyblaeth, boed yn rhai sy'n dod i'r amlwg neu'n rhai sefydledig, i ymgeisio.
Os dymunwch gael eich ystyried, anfonwch eich CV a llythyr eglurhaol neu gais fideo byr, os yw'n well gennych yn well ganddech, erbyn dydd Gwener 27ain Chwefror at Claire Cressey, Pennaeth Theatrau a Lles Creadigol, Ymddiriedolaeth Ddiwylliannol Awen: claire.cressey@awen-wales.com.
Ariennir gan Gyngor Celfyddydau Cymru a Llywodraeth Cymru.
Disgrifiad o'r Rôl
I weithio gydag amrywiaeth o dimau creadigol yn Ymddiriedolaeth Ddiwylliannol Awen, i gyflwyno canlyniadau prosiect creadigol fel y cytunwyd. Gall y rhain gynnwys gweithdai, gosodiadau, perfformiadau a phrosiectau yn unol â'ch ffurf gelfyddydol. Bydd gweithgareddau'n cael eu contractio ar wahân bob tro.
Ymhlith y timau mae Theatrau, Lles Creadigol, Llyfrgelloedd a Theatr Ieuenctid Pen-y-bont ar Ogwr. Ymhlith y lleoliadau mae bwrdeistref sirol Pen-y-bont ar Ogwr, Pontypridd ac Abertyleri.
I gyfrannu at ddatblygiad cynllun gweithredu Tegwch, Amrywiaeth a Chynhwysiant Awen a/neu gynllun gweithredu'r Gymraeg dros fynychu cyfarfodydd grŵp gweithredu fel sy'n berthnasol.
Lle bo'n berthnasol, i gymryd rhan mewn cyfleoedd mentora rhad ac am ddim neu hyfforddiant datblygiad proffesiynol a gynigir gan Awen.
I gychwyn ar broses werthuso Awen a'i chefnogi ar gyfer pob prosiect a'r rhaglen Artistiaid Cyswllt.
Dyddiad cau: Dydd Gwener 27ain Chwefror
Cyfarfodydd anffurfiol: Drwy gydol mis Mawrth
Yn y llun: Artist Cyswllt presennol Awen, Naseem Syed (Ziba Creative), yn Seascape 2025.
