Stori
Fe wnaeth hyfforddeion ddathlu gyda gweithwyr proffesiynol y diwydiant, enwogion, gwneuthurwyr ffilmiau a chefnogwyr yn y seremoni wobrwyo flynyddol.
Rhannu ar
Yn falch iawn o gyhoeddi bod ‘Different Now’, y ffilm fer sy’n cynnwys ein hyfforddeion o B-Leaf a Wood-B fel extras, wedi cipio’r wobr Drama Orau yn Noson Wobrwyo It’s My Shout nos Sul.
Mae It’s My Shout yn gwmni cynhyrchu ffilmiau annibynnol yng Nghymru sy’n ymroi i ddarganfod a meithrin talent newydd yn y diwydiant ffilm a theledu. Gallwch ddarllen mwy am eu gwaith yma.
Bob blwyddyn, maent yn cynhyrchu nifer o ffilmiau byrion, yn ddramâu a dogfennau, mewn cydweithrediad â phartneriaid darlledu, BBC Wales ac S4C, gan roi cyfle i gyfranogwyr weithio ochr yn ochr â gweithwyr proffesiynol y diwydiant ac ennill sgiliau ymarferol.
Fel rhan o’n hymrwymiad i gefnogi llwybrau gyrfa’r diwydiannau diwylliannol a chreadigol, noddwyd ‘Different Now’ a ‘The Green Cottage’ gan Awen. Darlledwyd y ffilmiau ar BBC Two Wales, S4C a BBC iPlayer ym mis Rhagfyr.
Roedd ein hyfforddeion yn gyffrous i gwrdd â Jason Mohammad, Sabrina Lee, Rhodri Owen ac Andrew Jenkins yn y seremoni wobrwyo, yn ogystal â gweld eu hunain ar y sgrin fawr yn yr ICC yn ystod y dathliadau.
