Stori
Rydym yn cefnogi'r AS lleol Chris Elmore a Banc Bwyd Pen-y-bont ar Ogwr gyda'r casgliad blynyddol.
Rhannu ar
Cawsom ein synnu ar yr ochr orau gan y rhoddion hael o wyau Pasg y llynedd, felly rydym yn cydweithio â Chris Elmore, AS dros Ben-y-bont a Phorthcawl, a Banc Bwyd Pen-y-bont unwaith eto i gefnogi plant lleol.
Os hoffech chi gyfrannu wy Pasg i'r apêl hon, dewch ag ef i un o Lyfrgelloedd Awen hyn erbyn dydd Llun 23ain Mawrth. Ewch i www.awen-libraries.com neu ffoniwch am oriau agor.
Llyfrgell Abercynffig – 01656 754820
Llyfrgell Pen-y-bont – 01656 754830
Llyfrgell Pencoed – 01656 754840
Llyfrgell Porthcawl – 01656 754845
Llyfrgell Sarn – 01656 754853
Gellir gwneud cyfraniadau hefyd yn nerbynfa Swyddfeydd Dinesig Cyngor Bwrdeistref Sirol Pen-y-bont ar Ogwr, Stryd yr Angel, Pen-y-bont ar Ogwr.
Dywedodd Chris Elmore AS: “Mae'r Pasg yn amser am garedigrwydd, ac rwy'n falch o fod yn gweithio gyda Banc Bwyd Pen-y-bont a Llyfrgelloedd Awen eto eleni i helpu i ledaenu ychydig o lawenydd i blant yn ein cymuned. Os ydych yn gallu, ystyriwch brynu wy Pasg ychwanegol a'i gyfrannu yn un o'n llyfrgelloedd lleol ym Mhen-y-bont a Phorthcawl. Bydd eich haelioni yn helpu i wneud y Pasg yn arbennig i gynifer o blant.”
