Stori
Bydd dros £200,000 o gyllid ‘Grant Cyfleoedd Chwarae Cymru Gyfan’ gan Lywodraeth Cymru a Chwarae Cymru yn cael ei fuddsoddi yn y cynllun.
Rhannu ar
Mae newyddion da i ymwelwyr â Pharc Gwledig Bryngarw gyda'r cyhoeddiad am dros £200,000 o fuddsoddiad i wella ei faes chwarae poblogaidd i blant. Bydd yr ardal ar gau dros dro o 12 Ionawr 2026 am oddeutu tri mis.
Bydd y cau yn caniatáu gwaith i ddisodli offer chwarae presennol Bryngarw, gan gynnwys y sleid tŵr, sydd wedi cyrraedd diwedd ei oes, gyda thŵr antur canopi coedwig o uchder tebyg, yn ogystal â rhwyd ddringo 5m o uchder, set siglo newydd a pharth i blant bach.
Bydd offer chwarae hygyrch Bryngarw, gan gynnwys siglen cadair olwyn, cylchfan, a thrampolîn, yn ogystal â dwy uned aml-chwarae a osodwyd yn fwy diweddar, siglen fasged, craig anferth ac offer chwarae naturiol i gyd yn aros.
Bydd y gwaith yn cael ei wneud gan Adventure Playgrounds Wales a Redlynch Leisure, sydd â phrofiad sylweddol o ddarparu a gosod offer chwarae o ansawdd uchel i blant, gan gynnwys yn Fferm Ffoli, LEGOLAND Windsor a chanolfan yr Urdd yn Llangrannog.
Mae Cyngor Bwrdeistref Sirol Pen-y-bont ar Ogwr ac Ymddiriedolaeth Ddiwylliannol Awen wedi cael cyllid i ymgymryd â’r gwaith adnewyddu trwy ‘Grant Chwarae Cymru Gyfan’ gan Llywodraeth Cymru a Chwarae Cymru.
Bydd arwyneb diogelwch newydd sy'n amsugno sioc ar bob llwybr ac ardal chwarae, wedi'i wneud yn rhannol o 15 tunnell o friwsion rwber a roddwyd yn garedig gan Murfitts Industries Ltd, prif gwmni ailgylchu tears y DU, mewn partneriaeth ag elusen amgylcheddol leol A Peace for Nature.
Mae gwirfoddolwyr A Peace for Nature, gan gynnwys plant a theuluoedd, wedi tynnu miloedd o deiars o Afon Ogwr eleni, a bydd canlyniadau eu gwaith caled o fudd i blant a theuluoedd eraill sy’n ymweld â Bryngarw am flynyddoedd lawer i ddod.
Dywedodd Richard Hughes, Prif Weithredwr Ymddiriedolaeth Ddiwylliannol Awen:
“Dros y pum mlynedd diwethaf, rydym wedi buddsoddi dros £1 miliwn mewn seilwaith a gwelliannau i brofiad ymwelwyr ym Mharc Gwledig Bryngarw, gan gyfuno ein buddsoddiad elusennol ein hunain â chymorth ariannol hanfodol gan Gyngor Bwrdeistref Sirol Pen-y-bont ar Ogwr a Llywodraeth Cymru. Mae uwchraddiad sylweddol i’n hoffer maes chwarae yn cynrychioli ‘darn olaf y pos’ i ddatgloi potensial llawn Bryngarw fel enghraifft wych o chwarae cynhwysol ac atyniad rhanbarthol o ddewis i ymwelwyr. Rydym yn falch iawn bod y cyngor yn cefnogi’r gwelliannau hyn fel rhan o’n partneriaeth barhaus.
“Gyda mwy na 200,000 o ymwelwyr â Bryngarw bob blwyddyn a chymaint o ddefnydd bob dydd, mae'n ddealladwy bod yr offer yn traul yn sylweddol ac angen ei ddiweddaru. Mae’r sleid tŵr wedi bod yn nodwedd o’r dirwedd yn y parc ers blynyddoedd lawer, ond y mae yntau hefyd wedi cyrraedd diwedd ei oes. Nawr yw'r amser i fanteisio ar y cyfle hwn i gyflwyno dewisiadau amgen newydd, cyffrous sy'n ategu cynnig chwarae naturiol ehangach y parc ac yn galluogi ein teuluoedd i fwynhau, ymlacio a chysylltu'n ddiogel.
“Bydd pob ardal arall o Barc Gwledig Bryngarw yn parhau ar agor i’r cyhoedd tra bydd y gwaith gwella yn digwydd. Rydym yn deall y gallai’r cau dros dro achosi rhywfaint o anghyfleustra, ond bydd y gwelliannau yn werth aros amdanynt.”
Dywedodd y Cynghorydd Jane Gebbie, Dirprwy Arweinydd ac Aelod Cabinet dros Wasanaethau Cymdeithasol, Iechyd a Llesiant, “Rydym yn cydnabod y manteision y gall chwarae eu hargymell i helpu plant a phobl ifanc i fyw bywydau iach ac egnïol. “Rydym yn falch iawn o gefnogi’r prosiect hwn a fydd yn gwella atyniad allweddol i ymwelwyr yn y fwrdeistref sirol. Rydym hefyd yn falch iawn y bydd y maes chwarae sydd newydd ei adnewyddu yn cadw ei holl nodweddion hygyrch i blant anabl ac yn parhau i ddarparu digon o gyfleoedd chwarae cynhwysol i blant ymuno â’u ffrindiau a’u brodyr a chwiorydd.”
