Stori
Mae’r cynllun hyfforddiant ffilm a theledu sydd wedi ennill gwobrau ‘It's My Shout’ yn cynnal dangosiad cyntaf yn Neuadd Dref Maesteg.
Rhannu ar
Roedd yn foment falch i ni neithiwr, wrth wylio ein hyfforddeion talentog B-Leaf a Wood-B yn ymddangos fel extras ffilm ar sgrin fawr Neuadd Dref Maesteg. Roedden nhw'n ymddangos yn un o wyth ffilm fer, 'Different Now', a gynhyrchwyd gan It's My Shout ar gyfer BBC Cymru ac S4C.
Mae 'Different Now', a ysgrifennwyd gan Tommy Cowell ac sy'n cynnwys yr actorion addawol Mattie Packer, Garin Williams, Ffion Morgan a Cameron Luca Lewis, yn dathlu amrywiaeth a chynhwysiant, rhywbeth rydym bob amser yn awyddus i'w hyrwyddo yn Awen.
Fe ffilmiodd yr hyfforddeion eu golygfeydd ym Mhorthcawl ar ddiwrnod poeth o haf, a dywedodd pawb eu bod wedi mwynhau'r profiad o weithio ar set ffilm broffesiynol. Diolch i Roger Burnell a phawb yn It’s My Shout am roi'r cyfle gwerthfawr hwn iddynt.
